المقادير :
علبتين بسكوت دايجستيف
اصبع زبده " 100 جرام "
3 بيضات " لازم تكون بحرارة الغرفه "
ملعقه صغيرة فانيلا
رشه ملح
قشر ليمون مبشور " تقريبا ملعقه صغيرة "
ثلاث ارباع كاس سكر
علبتين جبنه فيلادلفيا " الوحده تكون 300 جرام ، يعني لازم يكون المقدار كله 600 جرام "
ثلاث ارباع كاس كريمه خفق " الافضل كريمه خفق فيكتوريا "
ملعقه طعام نشا
مربى توت
توت " احمر ، ازرق ، اسود "
الطريقه :
جيبي الدايجستيف واطحنيه الى مايصير بودرة وخوذي من اللي طحنتيه كاسين وحطيها بصحن
ملاحظة : هو بيبقى من الدايجستف المطحون .. عادي غلفيه وحطيه بالثلاجة يمكن تحتاجينه بعدين
جيبي الزبده وذوبيها وحطيها على الدايجستيف واخلطيه لين يتماسك
ملاحظة : اذا ماحسيتيه تماسك زودي عليه ملعقه طعام زبده مذوبه
اللحين جيبي صينيه التشيز المتحركه
وادهنيها بزيت وحطي الدايجستيف والزبده عليها واضغطيهم ووزعيهم بالتساوي ، بعدين غلفي الصينيه وحطيها بالثلاجة مده ربع ساعه عشان تتماسك .
اللحين حطي بالخلاط البيض والملح و الفانيلا والفيلادلفيا والسكر والليمون وكريمه الخفق والنشا واخلطيهم لمين تحسين انها تماسكت كويس .
اذا مرت ربع ساعه على الدايجستيف وهو بالثلاجه طلعيه وجيبي الخلطه وصبيها عليه ، ثم جيبي قصدير ولفيه بصينيه التشيز من تحت " خلي التغليف سميك مره يمكن خمس طبقات "
ثم جيبي صينيه " الافضل تكون تيفال " اكبر من صينيه التشيز وحطي داخلها صينيه التشيز وصبي داخل الصينيه الكبيرة ماء يعني نسوي للتشيز حمام مائي
صورة للي مافهم
" الصورة ليست من تصويري "
دخليه الفرن من تحت على درجة حرارة 140 لمده ساعه و 20 دقيقه ، خلال هالمدة خليكي عند الفرن لانه يمكن المويه يغلي فاذا غلى الماء حطي شوي ثلج
اللحين طلعيه من الفرن وبيصير التشيز يهز من الوسط وهذا شي عادي جدا " لان النشا موجود فيه " خليه لين يبرد ثم دخليه الثلاجه يمكن 5 ساعات .
بعد الخمس ساعات طلعي التشيز من الثلاجه ، جيبي قدر وحطي فيه تقريبا 6 ملاعق طعام من مربي التوت وخليه على النار وحركيه 3 دقايق ثم صبيه على التشيز ووزعيه بالتساوي .
اللحين جيبي التوت ووزعيه زي ماتحبين على التشيز وبالاخير جيبي شوي سكر ناعم ورشيه على التشيز ، اللحين دخلي التشيز بالثلاجة الى مدة التقديم على الاقل ساعتين .
وبالعافيه :$
اي استفسار ؟
ليست هناك تعليقات:
إرسال تعليق